Änkara sänäğat palatasınıñ yazmaça belderüenä qarağanda, başqalanıñ bıyıl 8 aydağı êksportı uzğan yılnıñ şul uq çorı belän çağıştırğanda 2 milliard 85 million dollarğa artqan.
Şulay itep, älege çordağı êksport 20,7 %qa artıp, 12 milliard 156 million dollarğa citkän.
İl êksportındağı öleşe 6,5 %tan 7,5 %qa citkän Änkara öçençe iñ zur êksport başqarğan vilayät’ buldı.
Başqalanıñ yıllıq êksportı 19,57 milliard dollar täşkil itte.
Änkara êksportı uzğan ayda 1 milliard 347 million dollarğa citkän, bu 2025 yılnıñ şul uq ayı belän çağıştırğanda 2,9 %qa kübräk.
Bu soñğı öç yıl êçendä avgust ayındağı iñ yuğarı êksport kürsätkeçe.
Änkara şirkätläre avgust ayında 168 ilgä êksport başqardı.
Bıyılnıñ berençe 8 ayında êlekrt-êlektronika tarmağı 1 milliard 513 million dollar belän Änkara êksportında berençe urınnı aldı.
Tarmaqnıñ êksportı 2025 yılnıñ şul uq çorı belän çağıştırğanda 82 %qa arttı.
Annan soñ 1 milliard 294 million dollar belän avtomobil sänäğate, 1 milliard 218 million dollar belän ximik matdälär, 1 milliard 157 million dollar belän maşina tözeleşe häm anıñ detal'läre, 1 milliard 50 million dollar belän taw sänägate produktları kilä.
Änkaranıñ ğıynwar–avgust çorında iñ zur êksport bazarı 976,5 million dollar belän AQŞ buldı.
Annan soñ 885,4 million dollar belän Slovakiya, 861,9 million dollar belän Ukraina, 822 million dollar belän Qıtay häm 768,1 million dollar belän Böyekbritaniya kilä.
Şul uq çorda başqaladan başqarılğan êksportnıñ 40,4 %ı Awrupa Berlege illärenä turı kilä.
