İzrail ğaskärläre AQŞ ilbaşı Donal'd Tramp turıdan-turı yasagan utnı tuqtatu çaqıruına qaramastan, 4–7 oktyabr’ könnärendä Ğazzä külämendä xatın-qızlar häm balalar da bulğan 118 fälästinlene üterde.

Sudan armiyäse ilneñ könbatışındağı Tön’yaq Darfur vilayäteneñ başqalası Äl-Faşir şähärendä paramilitar Operativ yärdäm köçläreneñ kontrolendä bulğan berniçä saqlanu liniyäsen qulğa töşerüen belderde.

Hindstannıñ Ximaçal-Pradeş ştatında cir şuışu näticäsendä avtobus östenä tufraq kilep töşkän,  faciğadä ülüçelär sanı 18gä citkän.

İtaliya prem’yer-ministrı Djordja Meloni sişämbe könne yasağan belderüendä üze belän bergä ike ministr Guido Krozetto häm Antonio Tayani turında Xalıqara cinayät’ mäxkämäsenä  şikayät’ tapşırıluın äytte.