İzrail armiyäse Ğazzäneñ tön’yağındağı Bäyt Hanun şähärendä ike ğailä sıyınğan yortnı bombaladı. Waqıyğa şahitları äytüençä, bombalanğan öydä 25 keşe yäşi ide. Üterelgän keşelärneñ tuğanı İzrailneñ tağın ber küpläp üterü baqaruın häm 2 ğailäne yuqqa çığaruın belderde. Anıñ süzlärenä qarağanda, mäyetlär cimereklär astında qalğan häm qurqınıçsızlıq şartları arqasında alarnı çığaru mömkin tügel.

 İzrail prem’yer-ministrı Bin’yamin Netan’yaxu utnı tuqtatu buyınça yañartılğan tırışlıqlarğa qaramastan, blokada astındağı Ğazzädä suğışnı xäzer tuqtatmayaçağın belderde.

Ul Qodüsneñ könbatışında ütkärgän matbuğat oçraşuında “Ägär bez suğışnı xäzer tuqtatsaq ,”Xamas” kire qaytaçaq, köç cıyıp qabat bezgä höcüm itäçäk – bezneñ yañadan monı küräsebez kilmi” dide.

  BMO Keşe xoquqları yuğarı komissarı Volker Türk Bäşşar Äsäd bärep töşerelgännän soñ Süriyädäge säyäsi küçeş çorında Äsädneñ häm anıñ idaräse astında êşlängän cinayät’lär öçen cawaplı keşelärneñ xökemgä tartıluları kiräklegen belderde.

Voker Türk Jenevada jurnalistlarğa yasağan belderüendä säyäsi küçeş çorında citdi xoquq bozuçılar häm cawaplı keşelärneñ xökemgä tartıluı kiräklegen äytte. Äsäd cawapqa tartılırğa tiyeş keşelär arasında barmı-yuqmı? digän sorawğa “Süriyäneñ êlekkege ilbaşı häm yuğarı citäkçe urınnardağı keşelärneñ keşelekkä qarata cinayät’lär êşlägännärenä ışanır öçen citdi nigezlär bar” dide.

 Gananıñ êlekkege ilbaşı Djon Dramani Maxama qabat saylandı. Gana saylawçısı xakimiyät partiyäsenä iq’tisadi krizisnı idarä itä almağan öçen cäza birde, Maxama saylawda tarixi ciñügä ireşte. Şimbä könge saylawdan soñ “Yaña watanpärwär” partiyäse namzäte, däwlät başlığı urınbasarı Maxamudu Bavumiya ganalılarnıñ üzgäreş teläwlären qabul itte. Djon Dramani Maxama saylawda ciñep wazıyfasına kire qayta.