İzrailneñ Nusäyrat lagerına yasağan hawa höcümendä 7 fälästinleneñ ğomere özelde.
Qamalıştağı Ğazzädäge sälamätlek saqlaw wäqalätleläre İzrailneñ Nusäyrat lagerına hawa höcümendä kimendä 7 fälästinleneñ ğomere özelüen häm bik küp sanda keşeneñ yaralanuın belderde. İzrailneñ höcüme BMO ğomum şurasınıñ bügen Ğazzädä aşığıç utnı tuqtatunı taläp itüçe qarar ölgesen tawışqa quyuı aldınnan buldı. Qanun ölgese aşığıç, şartsız häm daimi utnı tuqtatudan tış, barlıq totıqlarnıñ kiçekmästän irekkä cibärelüen küzallıy.
2024nçe yılda 104 jurnalist üterelde - alarnıñ yartısınnan kübräge Ğazzädä
Xalıqara jurnalistlar federaśiyäse bıyılnıñ jurnalistlar öçen ayıruça ülemle buluın, dön’ya klülämendä 104 qaläm iyäseneñ üterelüen häm bolarnıñ yartısınnan artığınıñ Ğazzädä buluın citkerde.
Matbuğat oyışması kitergän sannarğa qarağanda, İzrailneñ Ğazzädäge höcümnärendä 2024nçe yılda 55 fälästinle media xezmätkäre wafat bulğan. 2023nçe yılnıñ 7nçe oktyabrendä başlanğan suğışta kimendä 138 fälästinle jurnalist üterelde.
Rusiyäneñ höcümendä Ukrainanıñ Zaporoj’ye şähärendä 3 keşe ülde, ber klinika cimerelde
Rusiyäneñ Ukrainanıñ kön’yaq-könçığışındağı Zaporoj’ye şähärenä yasağan raketalar höcümendä 3 keşeneñ ğomere özelde, 16 keşe yaralandı häm ber şäxsi klinika cimerelde.
Töbäk gubernatorı İvan Fedorov cimereklär astında kimendä 8 keşeneñ qaluın häm alarnı çığarı öçen êzläw-qotqaru êşçänlekläre baruın citkerde.
Tüntärelgän Äsäd rejimı 70tän artıq cäzalaw ısulı qullanğan.
Süriyädä tüntärelgän Baas rejimı çorında Sädaniya törmäse häm distälärçä başqa üzäklärdä meñnärçä keşe cäzalawlarğa duçar bula. Süriyä keşe xoquqları çeltäre citkergänçä, rejim köçläre watandaşlar suğışı waqıtında kimendä 1 million 200 meñ süriyälene qulğa aldı häm alarğa qarata törle zolımnar başqardı. Oyışma xisabında Baas rejimınıñ fizik, psixologik häm censi tördä 72 cäzalaw ısulı qullanuı belderelä. Rejim, monnan tış, totqınnarnı mäcbüri êşlätä häm töp xaqların bozıp ber keşelek kameralarda tota.
(Häm soñğısı )
Äygineñ ğailäse Blinken belän oçraşıp qızlarınıñ ülemen AQŞ citäkçelegendä tikşerüne taläp itäçäk.
Yordannıñ basıp alınğan Könbatış üzänlegendä İzrail köçläre qulınnan ülgän Törkiyä häm Amerika watandaşı aktivist Ayşänur Äzgi Äygineñ ğailäse qızlarınıñ ülemen AQŞ citälçelegendä bäysez tikşerelüen sorap AQŞ däwlät särqatibe Êntoni Blinkenğa möräcäğat’ itä. Äygineñ qız tuğanı Özdän Bennett beldergänçä, axırğı 3 ayda Blinken häm däwlät departamentı wäqalätleläre daimi räweştä alarğa Ayşänurğa qarata cinayät’ êşlägän armiyä bäyle bulğan İzrail xökümäteneñ tikşerüen kötülären söyli.