Papa Leo XIV Törkiyä ilbaşı Räcäp Täyyip Ärdoğannıñ çaqıruı belän pänceşämbe könne berençe räsmi çit il säfäre qısalarında Törkiyägä kilde.

Papa Törkiyägä ayaq basu belän global’ tınıçlıqnıñ möhimlegen assızıqlap, älege säfärneñ bu ähämiyätne dön’yağa iskä töşerergä yärdäm itäçägenä ömet belderde.

Papanı aêroportta Törkiyä mädäniyät häm turizm ministrı Mäxmät Nuri Ärsoy häm anıñ belän kilgän räsmi zatlar qarşı aldı.

Rim papasınıñ Törkiyägä säfärendä Vatikan wäqalätleläre dä qatnaşa.

Papa säfärdän qanäğat’ buluın, bu säfärneñ barlıq xristiannar häm dön’ya öçen zur ähämiyätkä iyä buluı säbäple Törkiyägä kilüne zarığıp kötep aluın äytte.

Törkiyä häm Livandağı programması turında söylägän papa, bu säfär belän dön’ya xalqı öçen tınıçlıqnıñ ähämiyätenä basım yasawnı maqsat itep quyuın belderde.

Vatikan liderı barlıq keşelärne tınıçlıq öçen berläşergä çaqırdı häm tınıçlıq aşa global’ berdämlek tırışlıqlarına öleş kertäçägenä ömet itüen äytte.

Papa berençe bulıp Änkarada Anıtqabergä bardı.

Rim papası xörmätenä ilbaşı rezidenśiyäsendä räsmi qarşı alu tantanası oyıştırılaçaq.

 Ul biredä Törkiyä ilbaşı Räcäp Tayyip Ärdoğan belän küreşep söyläşäçäk.

Papa comğa könne İstanbulda dini çaralarda qatnaşaçaq.

Şimbä könne ğıybadätxanälärdä bulaçaq häm patriarx Varfolomey belän oçraşaçaq.

Papa Leo XIV 27-30 noyabr’ könnärendä Änkara, İstanbul  häm İzniktä bulaçaq