Soğud Ğaräbstanı citäkçelegendäge koalitsiya wäkile, general Turki äl-Maliki, “X” sotsial media akkauntında yasağan belderüendä, "Xusilär"neñ Soğud Ğaräbstanına, anıñ watandaşlarına häm anıñ milli mömkinleklärenä höcüm itü omtılışları cawapsız häm doşmança qaraşnı çağıldıra dip belderde.
Maliki Äbha, Xamis Muşayt, Cazan häm Nadcran şähärlärendäge watandaşlık häm коммерция obyektlarına soñğı waqıtta "Xusilär"niñ höcümnäre, 73 keşeneñ yaralanuına kitergän, Soğud Ğaräbstanınıñ suverenitetın açıktan-açık bozunı häm anıñ iminlegenä qurqınıç tudıruın bilgeläp ütte.
Ul "terrorist "Xusilär" ğaskärläre" tarafınnan bernindi aqlawsız başkarılğan bu höcümnär Soğud Ğaräbstanınıñ iktisadi mömkinleklärenä zıyan kiterüne maksat itep quyğanlığın häm Ğaräp koalitsiyäse köçläreneñ bu "Xusilär" höcümnären neytralläşterü häm bu agressiv ğamällärgä qarşı toru öçen barlık kiräkle "operativ" çaralar küräçägen belderde.
İran tarafınnan xuplanğan "Xusilär" 2014 yılnıñ sentyabrennän birle Yämänneñ qayber öleşlären, şul isäptän, başkala Sana şähären kontrol'dä totalar. Soğud Ğaräbstanı citäkçelegendäge koalitsiyä 2015 yılnıñ martınnan birle Yämän xökümäten xuplıy.
