Bötendönya azıq-tölek programması (WFP) yazmaça belderüendä Äfğanstandağı balalarnıñ öçtän ber öleşeneñ citdi açlıqta yäşäwen häm oktyabrgä qadär xälneñ naçarlanuı mömkinlege barlığın citkerde.

Belderüdä ilneñ 12 töbägendä wäzğıyätneñ axırğı çikkä citüe, monıñ isä tormışnı qotqaruçı däwalawğa aşığıç ixtiyac tudıruı bilgeläp ütelä. "Aşığıç finans yärdäm bulmasa, WFP häm anıñ xezmättäşläre tağın da kübräk balanıñ xätär däräcädä citärsez tuqlanu xälenä töşüen tuqtata almayaçaq, bu kiläse aylarda balalarnıñ ğomeren qurqınıç astına quyacaq", - diyelä belderüdä.

3,7 million bala açlıqqa duçar

WFP mäğlümatları buyınça, Äfğanstanda 3,7 million balağa tuqlanu citmi, yaqınça 1,2 million yökle häm imezüçe xatın-qız da açlı-tuqlı yäşi.

Bötendönya azıq-tölek programmasına kiläse altı ay êçendä tuqlanu däwalawı häm açlıqnı profilaktikalaw xezmätlären däwam itü öçen 540 million dollar külämendä aşığıç finanslaw kiräk.