AQŞ liderı şimbä könne Aq Yorttan çıqqan waqıtta jurnalistlarğa intervyu birep bolay dide: “Tınıçlıq urnaştırırğa telibez. Küptännän urnaşırğa tiyeş ide. Ukraina beän Rusiyä arasındağı suğış çıqmasqa tiyeş ide. Anı tuqtatırğa tırışabız. Tuqtatırğa mäcbür bez.”
Donald Tramp suğışnı beterügä qarağan AQŞ tarafınnan äzerlängän 28 maddälek plannıñ Kiyev citäkçelege häm berlektäşläre arasında borcu tudıruınnan soñ anıñ soñğı täqdim bulmayaçağın citkerde.
Tramp Ukraina däwlät başlığı Volodimir Zelenskiy plannı kire qaqqan oçraqta, anıñ bar köçenä suğışırğa däwam itä alaçağın da äytte.
Ölgegä kürä Ukraina Rusiyägä cir biräçäk, armiyasen üsterüne tuqtataçaq häm NATOğa quşıludan räsmi räweştä waz kiçäçäk.
AQŞ ilbaşı Ukrainalı wazıyfadaşına cawap öçen pänceşämbegä qadär waqıt birde.
Zelenskiy isä urtaqlaşqan video yazmasında awır saylaw qarşında toruın, monıñ namus yuğaltu yäisä möhim partnyernı yuğaltu riskı buluın äytte.
Mäskäw citäkçelege Ukraina armiyasen keçeräytü häm Ukainanıñ NATO äğzalegenä qomaçawlaw belän ber rättän rus teleneñ Ukrainanıñ räsmi tellärennän berse buluın häm cirlärennnän kübeseneñ Rusiyägä birelüen taläp itä.
