Fransiya qanun çığaruçıları 15 yäşkä qadärge balalarnıñ sotsial' media qullanuın tıyaçaq qanun proyektın rasladı. Bu adımnı ilbaşı Êmmanuêl Makron balalarnı saqlaw öçen kiräkle ısul bularaq yaqladı.

Qanun proyektı düşämbe kiçendä ozın ber utırıştan soñ parlamentnıñ tübän palatası bulğan Milli Mäcles tarafınnan 21gä qarşı 130 tawış belän qabul itelde.

Qanun proyektı, tağın da tiränräk bäyäläw öçen, Senatqa cibäreläçäk.

Makron “X” çeltärendä yasağan belderüendä, tawış birüneñ näticäsenä söyenüen belderep, monı Fransiyä balaların häm yäşlären yaqlawğa taba "möhim adım" bularaq bäyäläde.

Makron, şulay uq, qanunnıñ kiläse uqu yılınnan başlap ğamälgä kerä aluınıñ Senatnıñ konstruktiv êşläwenä bäyle buluın äytte.

Fransiyä ilbaşı: “Çönki balalarıbıznıñ zihenen Amerika platformaları da, Qıtay çeltärläre dä satıp alırğa tiyeş tügel. Çönki balalarıbıznıñ xıyalları algoritmlar tarafınnan idarä itelergä tiyeş tügel. Çönki bez borçulı buın tügel, ä Fransiyägä, Cömhüriyätkä häm anıñ qıymmätlärenä ışanuçı buın telibez,” – dide.

Makron 1 sentyabrgä qadär qanunnıñ qabul itelüen täêmin itäçägen häm Fransiyä balaları häm yäşläreneñ "nihayät yaqlanaçağın" belderde.