Paqıstannıñ tönyaq-könbatışındağı Xayber-Paxtunxva provinśiyäsendä yul xäräkäte poliśiyäse maşinasına qorallı höcüm näticäsendä 3 poliśiya xezmätkäre hälaq bulğan.
“Dawn” gazetı xäbär itüençä, räsmi zatlar provinśiyäneñ Tank rayonında qorallı höcümçelärneñ yul xäräkäte poliśiyäse maşinasına ut açuların beldergän.
Räsmi zatlar höcüm näticäsendä maşinadağı 3 poliśiya xezmätkäreneñ hälaq buluın, şul waqıtta ütep baruçı 2 keşeneñ yaralanuın äytkän.
Räsmi zatlar höcümçelärneñ waqıyğa urınınnan qaçuların belderep, höcüm öçen cawaplılıqnı älegä berkemneñ dä üz östenä almawın citkergän.
26 sentyabrdä Xayber-Paxtunxva provinśiyäsendä poliśiya kontrol' punktına bombalı maşina belän yasalğan höcümdä 12 keşe hälaq bulğan ide.
