Totqınnar mäğ’lümat ofisı belderüenä qarağanda, Ğazzädä totqarlanğan 11 fälästinle İzrail armiyäse tarafınnan aylar buyı däwam itkän qulğa alu barışınnan soñ irekkä cibärelgän.
Belderüdä alarnıñ Ğazzäneñ kön’yğndağı çik qapqasında azat itelüe äytelä, läkin irekkä cibärelgän waqıttağı sälamätlek torışı turında mäğ’lümat birelmägän.
Belderüdä äytelgänçä, azat itelgän fälästinlelär mediśina tikşerüe öçen Ğazzä üzägendä urnaşqan Däyr äl- Bälax şähärendäge äl-Äq’sa şähitläre xastaxanäsenä cibärelgän.
Êlegräk İzrail armiyäse tarafınnan azat itelgän fälästinle totqınnarda naçar möğalämä, citärlek tuqlanmaw häm citdi cäräxätlär bilgeläre kürengän ide.
Alar monıñ qulğa alınğan waqıtta kiçergän cäfalap intekterülär arqasında buluın äytälär.
İzrail 13 nçe oktyabr’dä “Xamas” belän täêmin itelgän utnı tuqtatu häm totqınnar almaşu kileşüe qısalarında yaqınça 2000 fälästinle äsirne, şul isäptän Ğazzädän bulğan yaqınça 1700 totqınnı, azat itte. Kübese İzrailneñ qulğa alu üzäklärendä açlıq, cäfalap intekterü häm kimsetülärgä duçar buluların añlatqannar.
Fälästin häm İzrail Keşe xoquqları oyışmaları mağ’lümatlarına qarağanda, İzraildä 10 000nän artıq fälästinle, şul isäptän xatın -qızlar häm balalar, haman da saq astında totıla.
Oyışmalar totqınnarnıñ cäfalap intekterügä, açlıqqa duçar buluın, alarğa mediśina yärdäme kürsätelmäwen häm bu şartlarnıñ küp sanda totqınnıñ ülemenä kiterüen belderälär.
