Törkiyäneñ transport häm asqorıma ministr urınbasarı Ömär Fatix Sayan Törkiyä Böyek Millät Mäcleseneñ 5G texnologiyasen üz itüeneñ Törkiyäneñ sanlı üzgäreş yulındağı täwäkkällelegeneñ kürsätkeçe buluın äytte.
Ministr urınbasarı comğa könne planlaştırılğan 5G tendrı häm annarı başlanaçaq barışnıñ Törkiyä iqtisadına 2030 yılğa qadär 100 milliard dolarlık öleş kertäçägen äytep, million yarım keşene êş belän täêmin itüne maqsat itep quyuların citkerde.
Ömär Fatix Sayan Törkiyäneñ soŝial media platforması “NSosyal”da bolay dip yazdı: “Törkiyä parlamentınıñ yaña qanun çığaru yılına 5G texnologiyase belän adım yasawı sanlı üzgäreş yulındağı täwäkkällelekneñ kürsätkeçe bulıp tora. Bu adım texnologik alğarış qına tügel, milli texnologiya adımı da bulıp tora.”
Töp maqsatlarınıñ törek xalqına yuğarı tizlekle êlemtä alıp kiläçäk mullıq, iminlek, sıyfatlı sälamät häm belem alu mömkinleklärennän faydalanu buluın äytkän Satan bolay dide: “Törkiyäneñ sanlı kiläçägen bilgelängän milli standartlar häm qaqşamaz täwäkkällek belän imin häm ütä kürenmäle räweştä tözergä däwam itäçäkbez.”
Törkiyä 1991 yılda 1G belän başlap cibärde, annarı 1994tä 2G, 2009da 3G häm 2016 yılda 4.5G belän däwam itte. 5 G öçen xäzerleklär 2019da başlandı häm xäzerge waqıtta soñğı êtapka kilep citte.
5G Törkiyäneñ 4 zur futbol stadionında, İstanbul aêroportında, Törkiyä parlamentı häm il külämendäge yaqınça 30 qorılmada testlardan uzdı.
