Törkiyä İlbaşı idaräse êlemtä räislegeneñ sośial' mediadağı akkauntında yasalğan yullamağa qarağanda söyläşüdä AQŞ ilbaşı Donald Tramp, Bäxräyn patşası Hamed bint Isa Al-i Xalifä, Berläşkän Ğäräp Ämirlekläre däwlät başlığı Şäyex Möxämmäd bint Zayed Al Nahyan, Qatar Ämire Şäyex Tämim bint Hamad Al Tani, Misır liderı Abdülfettah äs-Sisi, Soğud Ğäräbstanı täxet warisı, prinś Möxämmäd bint Sälman, yordaniya patşası II Abdullah häm Paqıstan ğomum ştab başlığı Asım Mönir häm AQŞ İlbaşı kabinetı äğzaları da qatnaştı.

Törkiyä liderı İran häm Yaqın Könçığıştağı täraqqıyätlär qaralğan oçraşuda, Törkiyäneñ härwaqıt problemalarnıñ dialog häm diplomatiya belän çişelüen yaqlawın, İran belän diplomatik barışnıñ AQŞ ilbaşı Tramp äytkän däräcägä citüennän qanäğät buluın, tözeläçäk kileşüneñ Ormuz buğazınnan irekle ütülärne täêmin itü aşa töbäkneñ totrıqlılığın yaqlayaçağın, bu xälneñ dönya iqtisadın da ciñeläytäçägen belderde.

Söyläşü barışına öleş kertkän illärgä räxmät beldergän Ärdoğan, İran belän ireşeläçäk kileşüne tormışqa aşıru mäs'äläsendä Törkiyä bularaq härtörle yärdäm kürsätergä äzer buluların, Törkiyäneñ bar töbäktä tınıçlıq urnaştıru öçen tırışuın, qatlawlı kürengän temalarda prośess barışında yaraşlı çişeleşlär tabılaçağına ışanuın citkerde.

Törkiyä ilbaşı Räcäp Tayyip Ärdoğan oçraşuda Törkiyäneñ töbäk illäreneñ ber-bersenä qurqınıç tudırmayaçaq yaña däwer teläwen assızıqladı.