Somalinıñ Könyaq-könbatış vilayäte citäkçelege Baydhabo şähärenä yasalğan höcümneñ totqarlanuın häm 70 tän artıq “Äş-Şäbab” äğzasınıñ täêsirsez xälgä kiterelüen belderde.
Könyaq-könbatış vilayäte ofisı yasağan yazmaça belderügä kürä terror oyışması şähärgä şartlatqıç töyälgän maşinalar häm qorallı keşelär belän höcüm itkän.
Bäreleşlär waqıtında şartlatqıç taşıy torğan dronnar da qullanılğan, alar belän çit keşelärneñ idarä itüe äytelde.
Höcümçelär êş urınnarı, qunaqxanälär, tınıç xalıq yortları, belem alu häm sälamätlek saqlaw urınnarı, mäçetlärgä yünälgän, iminlek köçläre höcümne totqarlağan.
Belderüdän kürengänçä aralarında çit il keşeläre dä bulğan 70 tän artıq “Äş-Şäbab” terrorçısı üterelgän, şaqtıy oyışma äğzası yaralanğan, qayber maşinalar häm qorallar qulğa töşerelgän.
Baydhabo şähärendä 17 avgust häm 3 sentyabr könnärendä dä federal köçlär belän Laftagarinğa bäyle qorallı törkemnär arasında atışular bulğan ide. Somali Saqlanu ministrlığı 3 sentyabrdäge atışuda “Äş-Şeäbab” äğzäläreneñ dä qatnaşuın xäbär itkän ide.
