Li̇van sälamätlek saqlaw ministrlığı xäbär itkänçä, çärşämbe irtäse Izrail dronı kön’yaqta urnaşqan Attiri şähärçegendä ber maşinaga ike raketa atqan. Ul waqıtta yuldan uzuçı mäktäp avtobusı da şartlawdan zıyan kürä. Waqıyğada ber keşe ülä häm tağın 11 keşe yaralana.

Däwlätkä bäyle Milli xäbär agentlığı (NNA) citkergänçä, yaralanuçılar arasında avtobusta bulğan balalar häm şofyer da bar.

Bu höcüm Li̇vannıñ kön’yağındağı Sidon şähärendä urnaşqan Ayn äl-Xilvä fälästinle qaçaqlar lagerena yasalğan Izrail hawa höcümennän berniçä säğat uzğannan soñ bula. Anda, kim digändä, 13 keşeneñ ğomere özelgän.

Izrail armiyası höcümneñ “Xamas” äğ’zaların maqsat itep aluı turında belderde. Alar lager êçendäge üzäkneñ Izrailgä qarşı höcümnär planlaştıru öçen qullanıluın äytte. Fälästin qarşı toru törkemnäre isä monı kire qaqtı.

İzrail armiyäseneñ “Xizbulla” äğzaları häm asqormasın sıltaw itep Livan territoriysenä höcümnäre här könne diyrlek bula. Livannıñ könyağında kiyerenkeleklär atnalar buyı däwam itä.