Ğazzäneñ könyağındağı Äl-Mäwasıx rayonında cirlärennän quılğan fälästinlelär yäşäwçe çatırda çıqqan yañğında ike sabıy hälaq buldı. İzrail blokadası arqasında azıq-tölek citmäw säbäple, aşarğa uçaqta peşerergä mäcbür bulğan ğailälär daimi räweştä yañğın çığu qurqınıçı astında.

İke aylıq Xäbibä Möxämmäd Zapun häm cide aylıq Äsil Äbu Suxayban şimbä irtäsendä Naser meditsina kompleksındağı reanimatsiyä bülegendä qatı peşülärdän can birde. Xastaxanä sabıylarnıñ şäxesen rasladı. Äsilneñ änise dä, qızın qotqarırğa tırışqanda peşep, xastaxanägä salınğan.

Yanğın comğa könne töştän soñ ğailä äğzaları çatır êçendä bulğanda çığa. “Anadolu agentlığı”na xäbär itkän çığanaqlar utnıñ rizıq peşerelgän waqıtta başlanuın citkerde. Gaz ballonnarı häm töp kiräk-yaraqlarnıñ citmäwe çatırlarda yäşäwçe ğailälärne cirdä uçaq yağıp rizıq äzerlärgä mäcbür itä.