İlneñ tışqı êşlär ministrı yäkşämbe könne N’yu-Yorkta Portugaliyäneñ Fälästin däwläten räsmi räweştä tanuın belderde.

RTP xäbärenä qarağanda, tışqı êşlär ministrı Paulu Rangel bu belderüne Portugaliyäneñ N’yu-Yorktağı daimi wäkilçelegendä yasadı.

Rangel şulay uq barlıq totıqlarnı azat itergä, doşmanlıqlarnı beterergä häm Ğazzädä utnı tuqtatırğa çaqırdı.

Ul qararnıñ ilbaşı häm parlamenttağı küpçelek partiyälär yaqlawı belän barğan kiñäşläşü prośessınnan soñ 18 sentyabr’dä Ministrlar şurası raslawı belän turıdan-turı qabul itelüen belderde.

İlbaşı Marcelu Rebelu de Souza isä xökümätneñ bu adımın tulısınça yaqlawın êlek tä beldergän ide.

Bu belderü Böyekbritaniya, Kanada häm Avstraliyäneñ dä Berläşkän Millätlär Oyışması ğomum şurası aldınnan Fälästin däwläten räsmi tanuların iğ’lan itülärennän  barı tik  berniçä säğat’ uzğaç yasaldı.

Franśiya, Lyuksemburg häm Mal’ta isä kiläse atnada ütäçäk ğomum şura waqıtında şundıy uq adımnar yasayaçaqların êlek ük rasağannar ide.