Törkiyä ilbaşı Räcäp Tayyip Ärdoğan Şanxay xezmättäşlek oyışması däwlät başlıqları sammitında qatnaşu öçen kilgän Qırğızstan başqalası Bişkäktä Rusiyä liderı Vladimir Putin belän Ala Arça rezidenśiyasendä oçraştı.

Oçraşu barışında Putin Törkiyäneñ tışqı säyäsät häm iqtisad ölkälärendä östenlekle partnyerlarnıñ berse buluın belderde häm: “Urtaq proyektlar ğamälgä aşırıla. Şularnıñ berse – “Aqquyu” atom-töş êlektr stanśiyase. Sez bıyıl stanśiyaneñ berençe blogın êşlätep cibärü maqsatın quydığız. Bu bulaçaq,” – dide.

Putin şulay uq Törkiyä belän mädäni häm gumanitar ölkälärdä xezmättäşlek itü potenśialınıñ yuğarı buluın bilgeläp ütte häm bolay dide: “Törkiyägä Rusiyä turistları ağımı arta. Uzğan yılnı Törkiyägä yaqınça 7 million Rusiyä turistı kilde.”

Ärdoğan tübändägeçä citkerde: “Törkiyä-Rusiyä mönäsäbätläre bügenge köndä, çınlıqta, êlekkege çorlarğa qarağanda küpkä alğa kitkän däräcädä. Törkiyädä Rusiyä turistlarınıñ ähämiyäte bik nıq ayırılıp tora. Bügenge köndä bezneñ Antaliya vilayätendä iñ möhim turistik çeltär Rusiyädän kilgän duslardan tora. Monnan tış, xörmätle ilbaşı äytkänçä, “Aqquyu” atom-töş êlektr stanśiyase Törkiyä-Rusiyä mönäsäbätlärendä zur ähämiyätkä iyä. /…/. Bezneñ şulay uq awıl xucalığı häm ênergetika ölkäsendä dä nıqlı partnyerlığıbız bar.