Törek tele cämğıyäte (TDK) 2025 yılnıñ süze itep "sanlı vöcdan"nı sayladı.

Törek tele cämğıyäte mäğlümatlarına qarağanda, keşeneñ üz gämällären bäyäläwenä häm äxlaqıy qıymmätlär turında uylanuına êtärgeç birüçe xis bularak bilgelängän «vöcdan» süze, sanlı çorda yaña tösmer (başka ülçäm) aldı.

Oyışma belderüendä bolay di: “Keşelär, küp oçrakta, çın tormışta cawaplılıq almağan yaki alırğa telämägän mäs'älälärdä, sotsial' çeltärlärdä ber urtaqlaşu yaki oşatu (layk) belän «vöcdanın tınıçlandıra». Bu xäl, şäxsi sizgerlekne passivlaştırıp, vöcdannı «barmaq belän basıla torğan ber ğamälgä» äwerelderä”.

Cämğıyät internet qullanuçılarınıñ oşatular (layklar), urtaqlaşular häm fiker belderülär (şärexnamälär) aşa üz «keşelek burıçların» ütägän kebek xis itülären häm şäfqät belän insaflıq xislären simvolik küreneş belän genä çikläwlären belderde.

Belderüdä, şulay uq: «Şunıñ öçen “sanlı vöcdan” töşençäse, zamanıbızda vöcdannıñ sanlı moxittä alğan bu yaña, küp oçraqta aldawçan funksiysen añlatuçı kiräkle töşençä bularaq telebezdä üz urının alırğa tiyeş», — dip äytelde.

Törek tele cämğıyäte mäğlümatlarına kürä, sanlı vöcdan «keşelärne konkret çınbarlıq aldında konkret çişeleşlär tabudan çitläşterep, mäs’älälärneñ kiñäyüenä häm tiränäyüenä säbäp bula».

Törkiyäneñ mädäniyät häm turizm ministrı Mäxmät Nuri Ärsoy, düşämbe köne sotsial' çeltär “X”ta yasağan belderüendä, bu süzneñ yaqınça 300 000 keşeneñ tawış birüe näticäsendä saylanuın äytte.

«Sanlı vöcdan şäxsi häm ictımagıy sizgerleklärebezne çağıldıruçı quätle töşençä bularaq alğı planga çığa», — dide ul.