Rumıniyäneñ Qara diñgez yarı su kiñleklärendä  San-Marino häm Komor utrawları bayraqları belän yözgän 2 säwdä köymäsenä pilotsız oçu apparatı  belän höcüm yasalğan.

Rumıniya matbuğatı beldergänçä, ilneñ Qara diñgez yarı buyında urnaşqan Sulina şähäre su kiñleklärendä  Komor utrawları bayrağı belän yözgän säwdä köymäsenä tönlä dron höcüme yasalgаn häm köymädä yanğın çıqqan.

Köymä êkipajı evakuaśiyälängän häm alarnıñ imindä buluı xäbär itelä.

İrtän isä Sulina yarı buyında San-Marino bayrağı belän yözgän tağın ber säwdä köymäsennän yärdäm çaqıruı kilä, yanğın çıqqan köymägä êzläw-qotqaru törkemnäre cibärelä.

İkençe köymädäge 12 êkipaj äğzasınıñ 4ese qotqarılğan, 8 keşe yuğalğan.

Milli matbuğat mäğlümatlarına qarağanda, irtän Sulina hawa kiñlegenä yaqında açıqlanğan  dron tizdän  Rumıniya territoriyäsennän çığıp kitkän.