Sişämbe könne Törkiyä ilbaşı Räcäp Täyyip Ärdoğan genośidçı Netan’yaxunı Qatarda “Xamas” törkemenä oyıştırılğan höcüm öçen kisken tänqıyt’läp:
“Netan’yxu – Gitler belän ideologik yaqtan äyterseñlä tuğan”, – dip belderde.
Doxağa İzrail hawa höcümennän soñ oyıştırılğan Ğaräp–İslam sammitında qatnaşqannan soñ Ärdoğan:
“Gitler üze täêmin itkän alğa kitüneñ täêsirendä üzen kötkän ciñelüne kürä almadı; Netan’yaxu da şul uq yazmıqa duçar bulaçaq”, – dide.
Ärdoğan “Xamas” söyläşü törkemenä oyıştırılğan höcümne xalıqara sistemağa häm xoquqqa köç küsatü dip bäyäläp bolay dip östäde:
“İzrail citäkçeläre - üz radikal’ añlayışların faşist ideologiyägä äwereldergän cinayät’ çeltäre”.
İlbaşı, könbatış illäreneñ Fälästinne tanu mäs’äläsenä dä tuqtalıp, monıñ İzrailgä basımnı köçäytäçägen belderde häm mäs’äläne Berläşkän Millätlär Oyışmasında yañadan kütäräçägenä süz birde.
Ärdoğan yaqınlaşıp kilüçe BMO ğomum şurasında keşelek frontınıñ tağın da kiñ yaqlaw alaçağına ömet belderde.
Liviyägä yaqlaw
Ärdoğan, Törkiyäneñ Liviyädäge diplomatiyäsenä dä tuqtalıp, ilneñ bäysezlegen häm berdämlegen saqlawnıñ ähämiyäten assızıqladı:
“Bez Liviyäneñ bäysezlegen, cir bötenlegen häm säyäsi berdämlegen saqlap qaluda qatğıybız häm barlıq ğamällärebez şul maqsatqa bäyle räweştä formalaşa”,– dide.
Törkiyäneñ başınnan birle Tripoli xökümäten yaqlawın, soñğı waqıtta isä Liviyäneñ könçığışı belän dä diplomatik kanallar açırğa tırışuın äytte.
“Bu – bezneñ kiñqırlı diplomatiya tırışlıqlarıbız Törkiyäneñ regional’ vizionınıñ häm tınıçlıqqa ireşü maqsatınıñ çağılışı”, – dip belderde ilbaşı.
Ärdoğan Bingazi idaräseneñ Törkiyä belän Tripoli arasında imzalanğan diñgez wäqalät mäydanı kileşüen raslawın xalıqara xoquq cähätennän zur qazanış bulaçağın belderde.
