Donald Tramp xakimiyät üzgärgängä qadär AQŞnıñ Venesuêla belän citäkläyäçägen äytte. Şulay uq Amerikalı neft şikätläreneñ dä Latin Amerika ilenä keräçägen citkerde.

Tramp Venesuêla liderı Nikolad Maduro belän xäläl cefeten qulğa alu öçen oyıştırılğan AQŞ xärbi höcümnärdän soñ säyäsi üzgäreşkä qadär ilne citäkläyäçäklären açıqladı.

AQŞ liderı şimbä könne oyıştırğan matbuğat oçraşuında: “İmin, şoma häm aqıllı üzgäreş barışına qadär il belän citäkläyäçäkbez,” – dide häm kiräk oçraqta AQŞ köçläreneñ ikençe, tağın da zur höcüm dulqını oyıştırırğa äzer buluın belderde.

“Bu – Amerika tarixındağı iñ ğacäyep, êffektiv häm köçle xärbi köç kürsätü buldı,” – dide ul häm operaŝiyadä AQŞnıñ hawa, cir öste, diñgez köçläreneñ qullanıluın citkerde.

AQŞnıñ iğtibarı Venesuêla neftenä yünälgän

Räsmi mäğlümatlarğa kürä Venesuêlada dönyanıñ iñ zur neft yatmaları bar. Läkin investiŝiya citmäw häm AQŞ sankŝiyaläre arqasında êşkärtelmägän neft citeşterü çikle.

Üzäge Londonda urnaşqan Ênergiya institutına kürä Venesuêla global yatmalarnıñ yaqınça 17%ı, yägni 303 milliard miçkägä iyä. Neft êksportlawçı illär oyışması liderı bulğan Soğud Ğaräbstanın da uzıp kitä.

Tramp mediağa Amerikalı neft şirkätläreneñ xäzer Venesuêlağa keräçägen äytte.

 “Zur neft şirkätlärebezne Venesuêlağa kertäbez,” – dide ul.