İzrail armiyäseneñ, utnı tuqtatuğa qaramastan, Ğazzä sızığına yasağan höcümnärendä soñğı 24 säğat êçendä 9 keşeneñ  ğomere özelgän.

Ğazzädäge sälamätlek saqlaw ministrlığınıñ yazma belderüendä 2023 yılnıñ oktyabrennän birle İzrailneñ Ğazzägä yasağan höcümnärendä terkälgän qorbannar turında soñğı mäğlümatlar urtaqlaşıldı.

Utnı tuqtatuğa qaramastan İzrail höcümnäre däwam itkän Ğazzädä soñğı 24 säğat’ êçendä 9 keşeneñ hälaq buluı, 31 keşeneñ yaralanuı belderelde.

2025 yılnıñ 10 oktyabrendä Ğazzädä utnı tuqtatu köçenä kergännän birle İzrail höcümnärendä 1431 keşe hälaq bulğan, 5026 keşe yaralanğan  häm xaräbälär astınnan 834 keşeneñ mäyete çığarılğan.

2023 yılnıñ oktyabrennän birle İzrailneñ Ğazzä sızığına  höcümnärendä ülüçelärneñ ğomumi 74 meñ 32gä, yaralanğan keşe sanı 175 meñ 142gä  citkän.

Ğazzä sızığında xäräbälär astında äle dä meñlägän mäyet buluı äytelä.