Törkiyä cömhüriyäte milli saqlanu ministrlığı Qatarda bulğan xärbi boralaq hälakätendä barlığı 7 keşeneñ hälaq buluın açıqladı. Ministrlıq hälaq buluçılar arasında 4 Qatar Qorallı köçläre xezmätkäre, 1 Törkiyä Qorallı köçläre äğzası häm 2 ASELSAN texniğınıñ buluın bilderde.
Ministrlıqtan yasalğan açıqlawda Törkiyä belän Qatar arasındagı xärbi xezmättäşlek häm koordinatsiyä êşçänlegeneñ, kileşülär häm plannar qısalarında, özleksez räweştä däwam itüe assızıqladı.
Anda Qatar-Törek Berläşkän köçlär komandalığı qısalarında uqu-uqıtu êşçänlege alıp baruçı Qatar Qorallı köçläreneñ ber boralağınıñ comğa kiçendä texnik bozılu säbäple diñgezgä töşüe belderelde.
Hälakättän soñ başlanğan êzläw-qotqaru êşçänlege näticäsendä boralaqnıñ qaldıqlarına häm hälaq bulğan xezmätkärlärneñ gäwdälärenä ireşelüe belderelde.
Hälakätneñ tögäl säbäbe Qatar räsmiläre tarafınnan alıp barılaçaq tikşerü näticäsendä anıqlanaçağı belderelde.
