Uganda poliśiyäse beldergänçä, ilneñ könbatışındağı avtomagistral’dä küp sandağı maşina qatnaşında bulğan yul hälakätendä kim digändä 63 keşe ülgän.

Waqıyğa Kampala–Gulu avtoyulında bulğan.

Poliśiya X platformasında yasağan belderüdä äytelgänçä, ike avtobus bäreleşkän.

Belderüdä yörtüçelärdän berseneñ bärelüne buldırmaw öçen rul’ne boruı, läkin bu xäräkätneñ çılbır reakśiyägä kiterüe, näticädä tağın kimendä 4 başqa transport çarasınıñ idäräne yuğaltıp berniçä tapqır äylänüe citkerelde.
 Poliśiya: “Näticädä qazada qatnaşqan transport çaralarındağı böten yulçılar belän bergä 63 keşe hälaq buldı, küp sanda keşe yaralandı”, – dip belderde.

Cäräxätlär alğan keşelärne Kiryandongo xastaxanäsenä häm yaqın tirädäge başqa mediśina üzäklärenä iltkännär.

 Yaralanuçılarnıñ sanı häm alarnıñ  xäle turında centekle mäğ’lümat  birelmäde.