Törkiyäneñ bayraq yörtüçe hawa yulları şirkäte "Törek hawa yulları" comğa könne 100 milliard törek lirası (2,3 milliard dollardan artıq) investitsiyä belän dönyanıñ iñ zur yök terminalın häm oçqıç êçendäge tuqlanu kompleksın töziyäçägen iğlan itte.
"Törkiyä üsä, Törek hawa yulları kütärelä," – dip yazdı şirkät Törkiyäneñ "NSosyal" sotsial’ çeltärendä.
Hawa yulları şirkäte bu investitsiyä häm yök terminalı belän tuqlanu kompleksınıñ tözelüe 26 000 yaña êş urını buldıraçağın belderde.
"Törkiyäneñ admiral köymäse (flagmanı) bularaq, bu ğorurlıq bezgä därt birä," – dip östäde şirkät.
Proyektlarnıñ urını äytelmäde, läkin Törkiyäneñ säwdä märkäze häm ike zur xalıqara hawa alanına iyä İstanbul ixtimallı urın bulıp kürenä.
"Törek hawa yulları", yılda 85 millionnan artıq yulçı häm yaqınça 2 million tonna yök taşıp, dönyanıñ iñ zur hawa yulları şirkätlärennän berse bulıp tora.
Sişämbe könne şirkätneñ baş mödire (CEO) Bilal Äkşi, hawa flotı 813 oçqıçqa citkäç, 2033 yılğa qadär dönyanıñ iñ zur biş hawa yolları şirkäte arasına keräçäklären äytte.
2025 yıl axırına "Törek hawa yulları" flotı 514 oçqıçtan tora ide.
