Rusiäneñ Ryazan ölkäse gubernatorı Pavel Malkov töbäktä dronnar belän oyıştırılğan höcüm näticäsendä qayber sänäğät obyektlarında yanğın çığuın häm ber keşeneñ yaralanuın xäbär itte.
Pavel Malkov yazmaça belderüendä töbäkneñ tönlä köçle dron höcümnärenä duçar buluın citkerde.
Dron kisäkläre kilep töşü näticäsendä sänäğät obyektlarında yanğın çığuın äytkän Malkov êlektr liniyaläreneñ zıyan kürüen häm Ryazannıñ qayber urınnarında êlektr belän täêmin itüdä özekleklär buluın xäbär itte.
Höcüm näticäsendä ber keşeneñ yaralanuın yazğan Malkov, qayber toraq yortlarğa zıyan kilüen, ber mäktäpneñ täräzäläre watıluın häm töbäktä zıyannı аçıqlaw êşläreneñ däwam itüen citkerde.
«Rosneft» mäğlümatlarına qarağanda, Rusiäneñ iñ zur neft êşkärtü obyektları arasında bulğan Ryazan neft zavodı yılına 17 million tonnadan artıq neft êşkärtü mömkinlegenä iyä. Älege obyekttа benzin, dizel’ yağulığı häm aviatsiya yağulığı citeşterelä.
