Törkiyä İzrailneñ Suriyäneñ kön’yağında xärbi infrastrukturağa höcümen ğayepläp, monı qurqınıç räweştä kiyerenkelekne arttıru dip bäyäläde.

Törkiyä tışqı êşlär ministrlığı comğa könne yasağan belderüdä höcümneñ xalıqara xoquqnı bozuı häm Suriyäneñ suverenlığına, cir bötenlegenä zıyan kiterüen citkerde.

Ministrlıq xalıqara cämäğat’çelekne İzrail höcümnären tuqtatu öçen cawaplılıqnı üz östenä alırğa çaqırdı, şulay uq 1974 nçe yılğı İzrail belän Süriyä arasında köçlärne ayıru turındağı kileşüne ütäwneñ möhimlegen assızıqladı.

Belderüdä, bügenge köngä qadär bulğanı kebek,Törkiyäneñ Suriyäneñ cir bötenlege, berdämlege häm möstäqıyl’lege nigezendä ildä daimi totrıqlılıq häm iminlek täêmin itü öçen Suriyä xökümäte häm xalqı belän teläktäşlegen däwam itäçäge assızıqlandı.

İzrail armiyäse êlegräk yasağan belderüdä Suriyäneñ kön’yağında Dimäşq’ citäkçelegenä qarağan xärbi bazalarda urnaşqan komanda üzäge belän qoral saqlağıçların maqsat itep aluın xäbär itkän ide.

Süriyä tışqı êşlär ministrlığı da xärbi infrastrukturağa höcümne ğayepläde.