Awrupa şurası räise Antonio Kosta düşämbe könne yasağan belderüendä berlekneñ Bäşar Äsäd rejimı cimerelüneñ ber yıllığın bilgeläp ütä torğan Süriyägä yaqlawın yañarttı.
Kosta “X” säxifäsendä: “Äsäd rejimı cimerelep ber yıl uzğannan soñ süriyälelär tağın da totrıqlı kiläçäkkä taba adımnar yasıy. Awrupa Berlege ğadellek, kileşü häm barlıq süriyälelärneñ xoquqların üzäkkä quyğan, tınıç häm süriyälelär citäkçelegendäge barışnı xuplıy”,- dip citkerde.
Ul berlekneñ säyäsi dialogqa, aşığıç gumanitar yärdämgä häm Süriyäneñ yaxşıruı belän yañadan torğızıluına tuğrılığın rasladı.
Bäşar Äsäd yaqınça 25 yıl buyı Süriyäne citäkläde. Uzğan yılnıñ dekabrendä anıñ Rusiyägä qaçuı belän 1963 yıldan birle xakimiyättä bulğan Baas partiyäse rejimı tämamlandı.
Süriyä ilbaşı Äxmät Şara citäkçelegendäge yaña küçeş xökümäte ğıynwar ayında tözelde.
