Törkiyä êçke êşlär ministrı Mostafa Çiftçi sotsial çeltärdäge akkauntında yasağan belderüendä İtaliya êçke êşlär ministrı Matteo Piantedosine häm anıñ belän bergä kilgän delegatsiyäne ministrlık binasında qabul itülären xäbär itte.

Oçraşuda qanunsız migratsiya häm migrantlar kontrabandası belän terrorçılıqqa qarşı köräş, yaña buın oyışqan cinayätçel törkemnär häm cinayätçelärne tapşıru kebek iminlek ölkäsendäge urtaq kön tärtibe mäs'älälären qarawların beldergän ministr Çiftçi tübändägeçä bolay däwam itte:

«Çiklärne uzıp kilä torğan qurqınıçlarğa qarşı köräşneñ köçle xalıqara teläktäşlek häm näticäle xezmättäşlek belän genä mömkin buluına ışanabız. Şuşı yünäleştä Urta diñgezdä qanunsız migratsiyägä qarşı köräştä urtaq êşçänlekne üsterü, terror oyışmaların finanslaw häm propaganda êşçänlegen buldırмаw, şulay uq İtaliyadä bulğan yaña buın cinayätçel törkemnärneñ citäkçelären häm äğzaların ilеbezgä tapşıru mäs'äläsendäge kötkännärebezne citkerdek.

İtaliyale wazifadaşıbız da üz ilendäge yaña buın cinayätçel törkemnärgä qarşı qatğıy totış kürsätäçäklären belderep, älege cinayät çeltärläre belän näticäleräk köräş öçen urtaq tikşerü törkemnären tözüne täqdim itte.”