AQŞ Könçığış Tın Okeandağı xalıqara sulıqlarda narkotik alıp baruı farazlanğan ber köymägä höcüm oyıştırdı.

“Bügen ilbaşı Donald Tramp kürsätmäse belän Suğış ministrlığı “Bilgelängän terror oyışması” köymäsenä kinetik höcüm başqardı,” - dip belderde Pentagon başlığı Pit Xegset X platformasında ministrlıknıñ yaña isemen telgä alıp.

AQŞ küzläw mäğlümatlarına kürä köymä qanunsız narkobiznes başqarğan, bilgele narkotik satu yulınnan yörgän häm narkotiklar taşığan.

Xegset äytüençä höcüm waqıtında AQŞ personalı zıyan kürmägän, köymädä bulğan ike narkoterrorçı üterelgän.

“Bez Amerikaga narkotiklar taşuçı här köymäne tabıp yuq itäçäkbez. Watannı saqlaw – bezneñ iñ zur östenlegebez. Ber genä kartel terrorçısı da AQŞ xärbilärenä qarşı tora almayaçaq,” - dip belderde ul.

Sişämbe könge höcüm AQŞ bu töbäktä narkotik taşuda şiklänelgän köymälärgä qarşı başqarğan operaśiyalärneñ soñğısı buldı.

Vaşington citäkçelege sentäbrdan birle ilbaşı Trampnıñ Qarib diñgeze häm Könçığış Tın okeanda narkobiznesnı kimetü maqsatına turı kiterep şaqtıy oxşaş höcüm başqardı.