Könyaq Koreya liderı ile belän Törkiyäneñ qan belän bäylängän qardäş millätlär buluın, bäysezlek häm demokratiyane yaqlaw öçen iñne iñgä quyıp suğışuların äytte.
Li tübändägeçä däwam itte: “Törkiyä - Koreya öçen strategik partnyer häm Awraziya töbägendä möhim üzäk. Seul citäkçelege Änkara belän strategik partnyerlığın däwam itterep, nığıta baraçaq.”
Bu süzlären Li düşämbe başlanaçaq ike könlek Törkiyägä säfärennän alda äytte.
Li Törkiyäneñ Awrupa, Yaqın Könçığış, Awraziya häm Afrika kiseşkän urında tiñsez strategik xaläte buluın belderep: “Koreya öçen Törkiyä citeşterü urını ğına tügel. İnnovaŝiya, investiŝiya kertü öçen häm dönyaküläm strategik parnyer ul.” – dide.
İke ilneñ ber-berseneñ köçle yaqların tämamlawın citkergän Li Törkiyäneñ keşesez hawa sistemalarında global liderlikka kütärelüen, Koreyaneñ isä tank, artilleriya häm diñgez apparatları kebek qamilläşkän platformalarda östen buluın açıqladı.
Bu wazğıyätneñ xezmättäşlek öçen möhim forsatlar tudıruın äytte.
Törkiyä - Könyaq Koreya xezmättäşlege
Li Törkiyä belän Könyaq Koreya arasında saqlanu sänägätendä urtaq citeşterü, texnologik xezmättäşlek häm personal belemendä üzgäreşlärne üz êçenä aluçı köçle xezmättäşlek buluın äytte.
“Köçle saqlanu partnyerlığıbıznıñ ürnäge – “Altay” suğış tankın citeşterü programması. Şulay uq xezmättäşlekne kiñäytüne maqsat itäbez. Atom-töş ênergiya, biosälamätlek, sanlı üzgäreş, yañartıla torğan ênergiya häm yasalma fähem kebek kiläçäkkä qarağan tarmaqlarnı da üz êçenä alaçaq ul,” – dide Könyaq Koreya liderı.
“Törkiyä waz kiçelmäs partnyerğa äylände”
Li köçle sänägät nigeze, üzençälekle êş köçe häm kiñ säwdä kileşüläre çeltäre yärdämendä Törkiyäneñ Koreya şirkätläre öçen waz kiçelmäs partnyerğa häm global täêmin itü çeltärlärendä könnän-kön möhim üzäkkä äylänä baruın citkerde.
Li Könyaq Koreyaneñ Törkiyä belän keşe mönäsäbätlären nığıtuğa ähämiyät birüen äytep, xökümäteneñ Törkiyä watandaşlarınıñ ilenä säyäxätne qulaylaştıru öçen ber törkem adım yasawın belderde.
İke yaqlı säwdä
Säwdä ölkäsendäge mönäsäbätlärgä kilgändä İrekle säwdä kileşüeneñ 2013 yılda ğamälgä kerüennän birle ike yaqlı säwdäneñ möhim däräcädä artuın citkerde ul.
Könyaq Koreya ilbaşı Törkiyä citeşterü häm êksportnı kiñäytkän sayın bu tovarlarğa bulğan taläpneñ dä tabiğıy bularaq artuın äytep: “Säwdäbez dä Törkiyäneñ artuçı global köndäşlek köçeneñ çağılışı bulıp tora,” – dide.
