Üzäk saylaw komissiyäse düşämbe könne yasağan belderüdä Qazaqstanda yaña Töp Qanunnıñ 87,15% tawış belän qabul itelüen citkerde.

Komissiyä şulay uq referendumda qatnaşu däräcäseneñ 73,12% buluın belderde.

İl parlamentın ğadiläşteräçäk yaña Töp Qanun 1996 yılda beterelgän ilbaşı urınbasarı wazıyfasın kire qaytara.

Ul ilbaşına ilbaşı urınbasarın häm başqa küp kenä möhim wäqalätlene bilgeläw xoquqın birä.

Töp Qanunnıñ bik tiz äzerlänüe Qazaqstanda qayber belgeçlärgä ilbaşı Qasıym Comart Toqayev varisın ilbaşı urınbasarı itep bilgelärgä häm wazıyfasınnan waqıtınnan alda kitärgä, yäisä yaña Töp Qanun belän  wazıyfa başqaru waqıtı çiklären yañadan bilgeläw yulı belän wazıyfasında qalırğa teli dip farazlarğa êtärde.

Tokayev başqala Astanada tawış birgännän soñ yasağan belderüdä Töp Qanun xakimiyät almaşunı ciñeläyterme -yuqmı digän sorawğa cawap birde häm kiläse ilbaşı saylawınıñ üzeneñ waqıtı tämamlanğan 2029 yılda uzaçağın äytte.