Qayber kibetlärdä temperatura köyläwläre kompyuter aşa yıraqtan üzgärtelgän, näticädä yaña häm tuñdırılğan azıq-tölek zapasları bozılğan.

Cooperative U Group  ğomum direktorı Dominik Şelçer sośial media akkauntında yasağan belderüendä kiçädän birle alarnıñ çeltärendäge küp kibetneñ suıtqıç sistemalarına kiberhöcüm yasaluın citkergän.

BFMTV xäbär itkänçä, suıtqıç qorılmaların saqlaw öçen buldırılğan sistemanı kompyuter xakerları üz kontrolenä alğan.

Xakerlar bu sistemanıñ êşläw prinśibın kiregä borıp, daimi häm mäcbüri  êretü prośessın ğamälgä aşırğannar, näticädä qayber suıtqıçlarda temperatura 50 gradusqa qadär citkän.

Êlzas töbägendä genä ike supermarketqa 270 meñ yevro külämendä zıyan kilgän.

İl külämendäge matdi zıyan miḷlionlağan yevroğa citärgä mömkin dip farazlana.