Ärdoğan zalimneñ dä, mazlumnıñ da şäxesenä qaramıyça Törkiyäneñ här platformada xaqıyqatlärne gör tawış belän citkeräçägen açıqladı.

Törkiyä ilbaşı Ğazzädä xatın-qızlarğa qarata wäxşilekneñ tiyeşle reakśiyane almawın äytte.

Ärdoğan sişämbe könne başqala Änkarada oyıştırılğan “Xatın-qızğa qarata qırıslıq belän köräş köne” uñayınnan oyıştırılğan çarada bolay dide: “Ğayepleneñ häm zıyan kürüçeneñ şäxese reakśiya dozasın biredä dä bilgeläde.”

İlbaşı İzrailneñ Ğazzädäge genośidına iğtibarnı cälep itte häm izraille köçlär fälästinlelärgä qarata başqarğan cinayätlärneñ citdilegen açıqladı.

“Ğazzädäge genośidta şähit bulğan 70 meñ fälästinleneñ öçtän ike öleşe  - qızğanıç, xatın-qız häm balalar. Bolar - vöcdanı bulğannar öçen bik qurqıtuçı sannar,” – dide ul.

Ärdoğan xatın-qızğa qarata qırıslıqnı keşe abruyın töptän bozu dip atadı, monıñ da global cinayät buluın citkerde.

“Zalimneñ dä, mazlumnıñ da şäxesenä qaramıyça xaqıyqatne här platformada kör tawış belän citkeräçäkbez. Törkiyä ilbaşı bularaq ta, ike qız balanıñ ätise bularaq ta bügengä qadär bulğanı kebek monnan soñ da xatın-qızlar häm balalarğa qarata qırıslıq belän köräştä alğı rättä bulaçaqmın. İzge cannar bulğan keşegä, ayıruça xatın-qız häm balağa qarata qırıslıq – keşelek cinayäte, keşelekkä xıyanät. Xatın-qızğa qul kütärüçeneñ qulı da, vöcdanı da qaralğan,” – dide Ärdoğan.