İlbaşı idaräseneñ êlemtä bülege başlığı İzrail saqlanu ministrı Kaśnıñ süzlärenä reakśiya belderde.

Törkiyä ilbaşı idaräseneñ êlemtä bülege başlığı Burhanettin Duran: “İzrail citäkçelegeneñ yanawları, provokaśiyäläre häm qaralaw kampaniyäläre ilebezneñ xoquq häm ğadellek yaqlı totışın üzgärtmäyäçäk”, — dide.

Duran “NSosyal” akkauntında yasağan belderüendä İzrail saqlanu ministrı İsraêl Kaśnıñ Törkiyä ilbaşı Räcäp Täyyip Ärdoğanğa häm Törkiyägä yünältelgän çiktän aşqan süzläre İzraildä yaqınlaşıp kilüçe saylawlar aldınnan alarnıñ nindi säyäsi ömetsezlek kiçerülären kürsätä dip bilgeläp ütte.

Duran Törkiyägä qarata nigezsez ğayepläwlärneñ İzrail citäklegeneñ Ğazzädäge genośidçıl ğamällären häm töbäktä däwam itkän agressiv säyäsäten yäşerä almayaçağın assızıqlap tübändägelärne citkerde:

“Kaśnıñ utnı tuqtatu häm tınıçlıq söyläşülärendä qatnaşuçılarğa açıqtan- açıq ülem belän yanawı - İzrail citäklegeneñ xalıqara xoquqnı sanğa suqmawın kürsätüçe yaña küreneş. Bu cawapsız totış xalıqara cämäğatçelekne açıqtan -açıq sanğa suqmıy. İlbaşımız Räcäp Täyyip Ärdoğan citäkçelegendä Törkiyä Fälästin xalqınıñ qanuni xoquqların, ğadellekne häm daimi tınıçlıqnı yaqlawın däwam itäçäk. İzrail citäklegeneñ yanawları, provokaśiyäläre häm qaralaw kampaniyäläre ilebezneñ xoquq häm ğadellek yaqlı totışın üzgärtmäyäçäk”.