Rusiyä häm Ukraina pänceşämbe könne hälaq bulğan ğaskärilärneñ mäyetläre belän almaştı. Bu uzğan aydan birle ike il arasında şundıy uq almaşularnıñ soñğısı buldı.
Rusiyä däwlät Duması xalıq ışanıçlısı Şamsail Saraliyev “RBK” xäbär agentlığına Mäskäw 261 ukrain ğaskäri mäyeten, ä Kiyev citäkçelege 24 rus ğaskärineñ mäyeten kire qaytarğan dip belderde.
Ukrainanıñ xärbi äsirlär êşläre buyınça koordinaśiya üzäge almaşunı rasladı häm “Telegram”dağı belderüendä Rusiyä yağı fikerençä ukrain ğaskärilärenä qarağan 261 mäyet qaldıqları kire qaytarılğan.
Belderüdä şulay uq Xalıqara Qızıl Xaç komitetına repartaśiya barışın ciñeläytü häm xuplaw öçen çın küñeldän räxmät äytelde.
Rusiyä häm Ukraina arasındağı soñğı almaşu 16 iyuldä buldı, Mäskäw Ukrainağa 501 mäyetne, ä Kiyev Rusiyägä 31 mäyetne qaytardı.
