AQŞ ilbaşı Donal’d Tramp iyün’ ayındağı höcümnän soñ, İran üzeneñ atom -töş programmasın qabat torğıza ikän, AQŞ İranğa qarşı tiz arda yaña höcümnär başlayaçaq dip yanadı.
Düşämne könne Floridadağı Mar-a- Lago yortında Bin’yamin Netan’yaxunı qarşı alğanda jurnalistlar belän söyläşkän Tramp bolay dide: “İrannıñ qabat köçle bulırğa tırışuın işetäm, ägär şulay bulsa bez alarnı tuqtatırğa tiyeş. Bez alarğa köçle höcüm itärbez”.
Tramp şulay uq söyläşülärgä açıq bulğan kileşüneñ küpkä aqıllıraq bulaçağın belderde.
“Belüegezçä, cäyen alarğa soñğı tapqır zur höcüm yasağançı uq kileşü tözi alırlar ide”,- dide.
Cäyen atom - töş söyläşüläre däwam itkändä Tramp İzrailne İranğa höcüm itmäskä çaqırğan ide.
Şuña qaramastan İzrail İranğa bernindi provokaśiyäsez höcüm itte häm ul AQŞnıñ Fordo, Nätänz häm İsfaxandağı İran atom -töş qorılmalarına höcüm itüe belän tämamlanğan 12 könlek bäreleşlärgä kiterde.
