Törkiyä Cömhüriyäte tışqı êşlär ministrı Xakan Fidan belän İrandağı wazıyfadaşı Abbas Arakçi çärşämbe könne regional’ kiyerenkeleklärne kimetü adımnarı turında söyläşte.

Bu ike il tışqı êşlär ministrınıñ sişämbe könne uzğan söyläşüdän soñ 24 säğat’ êçendä ikençe êlemtäse buldı.

Törkiyä diplomatik çığanaqlarına qarağanda, Arakçi belän telefon aşa êlemtäsendä Fidan töbäktäge kiyerenkeleklärne kimetü ısulı bularaq söyläşülärneñ möhimlegen assızıqladı.

İranda rialnıñ kisken qıymmät yuğaltuı häm iq’tisadi şartlarnıñ naçarlanuı säbäple 28 dekabr'dän birle Tährannıñ Zur bazarında başlangan protestlar dulqını küzätelä.
Protestlar başqa şähärlärgä dä cäyelde.

Xökümät räsmiläre AQŞ häm İzrailne baş kütärülärne häm terrorçılarnı yaqlawda ğäyepläde.

Ülüçelär sanı turında räsmi mäğ’lümatlar iğ’lan itelmäsä dä, AQŞta urnaşqan Keşe xoquqların yaqlaw törkeme ülüçelär sanı qurqınıçsızlıq köçläre häm protestçılarnı da kertep 2550 dän artqan häm 1134 tän artıq keşeneñ yaralanğan dip farazly.