Törkiyä Cömhüriyäte tışqı êşlär ministrı Xakan Fidan sişämbe könne AQŞnıñ Törkiyädäge tulı wäqalätle ilçeşe häm şul uq waqıtta Süriyä maxsus wäkile Tom Baraknı qabul itte.
Oçraşu fotosın Törkiyä tışqı êşlär ministrlığı “X” sośial’ media platformasında urnaştırdı, oçraşu turında centekle mäğ’lümat birelmäde.
Barak ta “Bügen tışqı êşlär ministrı Xakan Fidan belän söyläşülärebezne däwam itäbez” dip yazdı.
Süriyä ilbaşı Äxmät äş -Şara yäkşämbe könne Süriyä xökümäte belän “YPG “arasında ilneñ tön’yaq-könçığışında däwlät xakimiyäten yañadan torğızu maqsatın küzdä totqan kiñqırlı utnı tuqtatu häm tulı integraśiya kileşüen iğ’lan itkän ide.
Süriyä Ğaräp xäbär agentlığı (SANA) beldergänçä, kileşü şartları xökümät köçläre belän “YPG” arasında barlıq frontlar häm êlemtä liniyäläre buylap tiz arada häm kiñqırlı utnı tuqtatunı küzdä tota.
Kileşüneñ “YPG” belän bäyle barlıq xärbi köçlärne yañadan urnaştıruğa äzerlek maqsatında Färat yılğasınıñ könçığışındağı töbäklärgä çigenüe belän ber ük waqıtta ğamälgä kerüe planlaştırıla.
