Törkiyä Cömhüriyäte İlbaşı Räcäp Tayyip Ärdoğan, 26nçı sentyabr Törek tele bäyräme mönäsäbäte belän bastırğan yullamasında törekçäneñ millät öçen barı tik aralaşu çarası ğına bulmawın belderep, telneñ ber ük waqıtta tarix, mädäniyät, śivilizaśiyä berekmäsen häm urtaq xäteren yörtüçese buluına iğtibarnı yünältte.
Törek teleneñ meñlägän yıllar däwamında tirän tamırlı tarixtan alınğan baylıqqa iyä buluın assızıqlap İlbaşı Ärdogan üz yullamasında bolay dip äytte:
"Bezneñ törek telebez millätebez öčen aralaşu çarası ğına tügel, ä tarixıbıznñ, mädäniyätebezneñ, śivilizaśiyâbezneñ häm urtaq xäterebezneñ yörtüçese dä. Bezneñ tuğan telebez, törek tele, meñlägän yıllar däwamında tirän tamırlı tarixtan alınğan zur śivilizaśiyä tuplanmasın üz êçenä ala. Ğasırlar däwamında törle geografiyälärdäge törle millätlär belän aralaşu belän bayıtılğan törek telebez tormışıbıznıñ här ölkäsendä, šiğriyättän ädäbiyätkä, fännän sänğätkä qädär millätebezneñ êmośional häm intellektual dönyasın tärcemä itüçe bulıp tora.
Bezneñ burıçıbız törekçäbezne ütkännän qalğan zur mirasnıñ amanäte bularaq saqlaw, bayıtu häm kiläse buınnarğa iñ köçle räweştä citkerü.
"Telen saqlağan millät üz tarixın häm kiläçägen dä saqlıy”
"Törek gasırı"n tözegändä üz telebezne, mädäniyätebezne häm śivilizaśiyä qimmätlärebezne saqlaw, üz süzlärebez, töşençälärebez häm śivilizaśiyä qaraşıbız belän global dönyağa öleş kertü bik möhim. Törek telen döres, matur häm saq qullanunı alga êtärü, balalarıbız häm yäşlärebezneñ telebezgä mäxäbbäten köçäytü - bezneñ urtaq burıçıbız. Üz telen qäderlägän millätneñ üz tarixın häm kiläçägen dä qäderläwen onıtmıyq.
