Fransiyädä Parijnıñ könbatışında urnaşqan “Hyatt” qunaqxanäse yanında Könyaq Afrikanıñ Fransiyädäge ilçese ülgän xäldä tabılğan. Bu xaqta sişämbe könne “Le Parisien” gazetı xäbär itte.

Prokurorlar ,düşämbe könne yuğalğan dip xäbär itelgännän soñ, Nkosinatxi Êmmanuel Mtxetxwanıñ “Hyatt” qunaqxanäse yanında üle kileş tabıluın raslağan.

58 yäşlek diplomatnıñ 22qat balkonnan sikerüe dip farazlana. Şul uq waqıtta, tikşerü êşläre başlanğan.

Ilçe Nkosinatxi Êmmanuel “Natxi” Mtxetxwa 2014-2019 yıllarda Könyaq Afrikanıñ sänğat häm mädäniyat ministrı bulıp êşlägän, ä 2019-2023 yıllarda sport ölkäsendä xezmät quyğan, dip xäbär itelä ilçelekneñ räsmi säxifäsendä.

“Le Parisien” gazetındağı xäbärdä äytelgänçä, ilçe xatınına borçuğa saluçı yazu cibärgännän soñ yuqqa çığa.

Xäzergä qadär Könyaq Afrikanıñ Parijdağı ilçelege waqıyğa turında räsmi belderü yasamağan.