İlbaşı Räcäp Tayyip Ärdoğan şimbä könne İzrailneñ "sugışqa bäyle" xökümätenä töbäkne qan külenä äyländerergä röxsät itelmäskä tiyeş dip belderde.

Paqıstan xökümäte räise Şaxbaz Şärif belän ikeyaqlı häm delegatsiyälärara oçraşulardan soñ İstanbulda uzğan urtaq matbuğat konferentsiyäsendä Ärdoğan bolay dide: "Bez İzrail idaräseneñ (AQŞ-İran) kileşüen sabotajlaw omtılışların iğtibar belän küzätäbez... Xäzerge sugışqa bäyle İzrail xökümätenä bezneñ töbäkne tağın ber tapqır darı häm qan isenä batırırğa yul quymasqa tiyeşbez".

Ärdoğan üzläreneñ ikeyaqlı mönäsäbätlärne, şulay uq, töbäk häm global' mäsälälärne tikşerüen belderde. Ul Paqıstan aradaşçılığı aşa İran häm AQŞ arasında ireşelgän waqıtlı kileşügä sıltama yasap: "İslamabad memorandumu belän täêmin itelgän tınıçlıq arqasında böten dönya ciñel sulap quydı", - dide.

İkeyaqlı mönäsäbätlärgä qağılıp, Ärdoğan Änkara häm İslamabadnıñ barlıq ölkälärdä dä xezmättäşlek itüen häm säwdä häm investitsiyä mönäsäbätlären tağın da üsterü adımnarın tikşerülären belderde.

Ärdoğan bolay dide: "Bez säwdä külämen êlek bilgelängän 5 milliard dollar däräcäsenä citkerü maqsatın rasladıq".