Yaponiyä meteorologiyä agentlığı mäğlümatlarına qarağanda, 27 avgusttan birle başqala Tokioda kön sayın yañğır terkälgän. “Kyodo News” xäbär itüençä, yaqınlaşıp kilüçe tayfunnar, közge yañğır frontı häm tübän basımlı çoqır täêsire ozaq waqıtlı yañğırlı hawa torışına kiterde häm bu tarixqa kerep qalaçaq.

Monnan êlekkege rekord - 2019 yılnıñ 27 iyünennän 29 iyülenä qadär 33 könlek yañğır seriyläse ide.

Ağımdağı seriyädä iñ köçle yañğır 21 sentyabrdä Tokio üzägendä terkälgän, ul 156 millimetr täşkil itkän. Düşämbegä Tokio üzägendä gomumi yawım-töşem küläme 629 millimetrğa citte. Bu san sentyabr ayındagı urtaça yawım-töşem külämennän yaqınça öç tapqır kübräk.

Sişämbe könne yañğır Yaponiyäneñ könçığış häm könbatış öleşläreneñ zur öleşen üz yoğıntısı astına aldı.

Bu ozaqqa suzılğan yañğır çorı tizdän tämamlanır dip kötelmi. Xäbärlär kürsätkänçä, yañğır pänceşämbegä qadär däwam itäçäk, bigräk tä, Yaponiyäneñ könçığışında.