Filippinnarnıñ könyağında köçle magnitudalı - 7.4 ball zurlığında cir teträw buldı. Cirle seysmologiyä bülege zıyan häm afterşoklar kötelüen belderde.

Filippinnarnıñ seysmologiyä agentlığı başlığı Teresito Bakolkol comğa könne bu teträwdän soñ tsunami kisätüe yasalaçağın äytte. Zilzilä irtänge säğat 9 tulıp 43 minutta Mindanao töbägendäge Manay şähärennän 20 kilometr yıraqlıqta bulğan.

Seysmologiyä bülege berazdan tsunami kisätüe yasadı. Alarnıñ süzlärenä qarağanda, ildäge Tın okean yar buylarında ber metr biyeklektäge dulqınnar kötelä. Bu töbäklärdä yäşäwçelärgä "kiçekmästän biyek urınnarğa küçärgä yäki il êçenä taba barırğa" kiñäş itelä.

Zıyan yäki qorbannar turında älegä xäbär bulmadı.

Bu teträw 6.9 ball zurlığındağı zilzilädän 11 kön uzğaç buldı. Ul teträwdä Cebu utrawında 74 keşe häläk buldı häm yaqınça 72,000 yort cimerelde yäki zıyan kürde.