Ukraina Ğadättän tış xällär xezmäte Rusiyä armiyäseneñ tönlä oyıştırğan hawa höcümendä 8 keşeneñ hälaq buluın, 22 keşeneñ yaralanuın belderde.

Belderüdä Rusiyä armiyäseneñ tönlä başqala Kiyevqa hawa höcüme oyıştıruı  citkerelde.

Höcüm näticäsendä 2 keşeneñ hälaq buluı häm 8 keşeneñ yaralanuı äytelgän belderüdä : “Kiyevta tönge bombalaw näticäsendä 50dän artıq grajdanlıq obyektı zıyan kürde. Alar arasında toraq yortlar, poçta bülekçäläre, bala tudıru yortı häm tekstil fabrikası bar”,-diyelde.

Belderüdä şulay uq Xarkov ölkäsendäge fermaga höcüm näticäsendä  6 keşeneñ hälaq buluı, 12 keşeneñ yaralanuı äytelde.

Belderüdä Odessa ölkäsenä höcümdä 2 keşeneñ yaralanuı citkerelde.

Ukraina armiyäse hawa köçläre komandirlığınnan yasılğan belderüdä isä 7 raketa häm törle tördäge 220 pilotsız oçu apparatınıñ  täêsirsez xälgä kiterelüe xäbär itelde.