Törkiyä Cömhüriyäte ilbaşı Räcäp Täyyip Ärdoğan belän Oman soltanı Haysam bin Tarıq telefon söyläşüendä ike yaqlı mönäsäbätlär häm töbäk mäs’äläläre turında süz alıp bardılar.

Törkiyä Cömhüriyäte ilbaşı idaräseneñ êlemtä bülegennän çärşämbe könne yasalğan belderügä qarağanda, Ärdoğan söyläşüdä İranğa qarşı höcümnär häm annarı İrannıñ töbäktäge tuğandaş illärgä cawap qaytaruı töbäkne monnan alda kürelmägän iminlek krizisı qurqınıçı astına quydı, Omanğa höcümnär qabul itelmäslek dip belderde.

İlbaşı xäzerge şartlarda aradaşçılıqnı da kertep diplomatik ğamällärdän waz kiçmäwlären häm bu tırışlıqlarnıñ däwam itäçägen assızıqladı.

İlbaşı şulay uq İzrail prem’yer-ministrı Binyamin Netanyaxu xökümäteneñ basıp alınğan Könçığış Qodüstäge Äl -Äq’sa mäçetenä möselmannarnıñ kerüen tıyuın qabul itelmäslek dip bäyäläde häm Ğazzä xalqınıñ äle dä citdi gumanitar yärdämgä moxtac buluın assızıqladı.

Ul şulay uq Tınıçlıq şurası êşçänlegeneñ ike däwlätle çişeleş maqsatı belän däwam itüe kiräklegen belderde.

Ärdoğan söyläşüdä Haysam bin Tarıqnı Ramazan bäyräme belän  dä qotladı.