İrannıñ İslamabadtağı ilçese sişämbe könne Paqıstannıñ Yaqın Könçığıştağı suğışnı tuqtatu öçen AQŞ belän söyläşülärdä aradaşçılıq itüeneñ "möhim häm sizger êtapqa yaqınlaşuın" äytte.

Paqıstannıñ tırışlıqların "uñay häm näticäle" dip atap, Reza Ämiri Moğadam “X” säxifäsendäge yazmasında "Küzätep barığız" dip yazdı.

Moğadamnıñ süzläre İrannıñ düşämbe könne, waqıtlıça utnı tuqtatunı kire qağıp häm daimi çişeleş taläp itep, suğışnı tuqtatu buyınça üz pozitsiyäsen kürsätkän täqdim ciberüennän soñ yañğıradı.

İran ike atnalıq yuqarı däräcädäge söyläşülärdän soñ AQŞ täqdimenä cawabın Paqıstan aşa citkerde.

Soñraq AQŞ İlbaşı Donald Tramp İrannıñ cawabın "ähämiyätle adım" dip bäyäläsä dä, läkin barıber citärlek tügel dip atadı, Aq Yortta jurnalistlarğa: "Bu citärlek yaxşı tügel, läkin bik möhim adım", - dide.