Törkiyä belän AQŞ pänceşämbe könne atom-töş ênergiäse ölkäsendä xezmättäşlekne tiränäytü maqsatında añlaşu memorandumı imzaladı.

“Törkiyä ilbaşı Räcäp Tayyip Ärdoğannıñ AQŞta Aq Yortqa vizitı qısalarında, ike il atom ênergiäse ölkäsendä tamırları tirän häm küpyaqlı xezmättäşlekne tağın da tiränäytü protsessın başlap cibärde”, dip belderde Törkiyä ênergetika häm tabigıy baylıqlar ministrı Alparslan Bayraktar Törkiyä sośial media platforması “NSosyal”da.

“Bez AQŞ däwlät särqatibe Marko Rubio belän liderlar qatnaşında “Strategik tınıç atom-töş xezmättäşlege turında” añlaşu memorandumın imzaladıq,” – dip äytte ministr.

Ul östäp bolay dide: “Memorandum qısalarında başqarılaçaq êşlär ike il öçen dä fayda kiterer dip ömetlänäm.”