Kiçä İzrailneñ könyağındağı Kiryat Gat şähärendä urnaşqan AQŞ texnologiya şirkäte Intelneñ yarımütkärgeç çiplar citeşterü qorılmasında bulğan şartlawda 2 keşe hälaq bulğan.
“Haaretz” gazetı xäbärenä qarağanda, waqıyğa qorılmadağı gaz ballonınıñ älegä bilgele bulmağan säbäp arqasında şartlawı näticäsendä kilep çıqqan.
Beerşebadagı (Birsebi) Soroka xastaxanäsennän yasalğan belderüdä şartlawda awır yaralanğan 49 yäşlek êşçeneñ ğomere özelüe citkerelgän.
Kiçä berençe mediśina yärdäme törkemnäre awır yaralanğan 3 êşçeneñ Soroka xastaxanäsenä ozatıluın xäbär itkän ide.
Awır yaralanğan êşçelärneñ berse xastaxanägä kiterelü belän ük ülgän.
Yanğın sünderü häm qotqaru xezmäte şartlaw näticäsendä qurqınıç ximik matdälärneñ tirä-yün'gä ağıp çığuı mömkinlegenä borçıluın beldergän.
Şartlawnıñ İzrail premyer-ministrı Binyamin Netanyaxunıñ Kiryat Gat şähärenä säfäre waqıtında buluı iğtibarnı cälep itä.
Waqıyğanı tikşerü däwam itä.
